سطلياااااااااااااااااااااااااااااااااااااااااااااااااااااااااااااااااات

سطليات

*مسطول يوم عرسو ساطل سطله شديده، بعد الناس مشت
دخل البيت جوه لقى العروس قاعدة، قال انا كنت
عارف مع جوطتهم دى حينسو ليهم زول

مسطول ضرب تلفون غلط قال: دا بيت ناس علي ؟ قالو ليه لا ، قال ليهم : طيب رافعين السماعة ليه؟

مسطول دخل يدو في مويه نار مرقا لقاها مافي.. دخل راسو يشوفا مشت وين.

مسطول عندو سبعه أولاد سمىنفسو سفن أب .

جعلى أول مرة ياكل لبانة....حلف بالطلاق
ما ينوم إلاّ يكمّلا !!!!

مسطول بيشاغل في واحدة (سمرا) يقول ليها : وين يا بيبسي؟
قامت تفت عليه ....
رد عليها : وكمان بتفوررري؟

ولد بيقول لى صاحبو : الدنيا ما فيها أمان أمبارح قت أسرق محفظة أبوي لقيت محفظتي فى جيبو.

مسطــــــــــــول ماشي ورا واحدة مسطــــــــولة داير يشاغلا
قال : ا لحلوة وراها مشوار؟
ردت عليه : الحلوة وراها .........حمااااااااار

أدروب سألوه : يوم القيامة تمشي الجنة ولا النار ؟ قال ليهم القريبة من كسلا !!

iمسطول قالوا ليهو البنقو يؤدي للموت البطئ قال أنا ذاتي ما مستعجل !!...
مسطول مسكوه في كشه قالوا ليهو أركب قال ليهم شكرآ البيت قريب.

واحد مسطول بعاين في طيره خشت بالشباك وطلعت بالباب ......... قال آهه يعنى عملتي شنو .
واحد مسطول راجع بيتهم الساعه اتنين صباحآ , أخته فتحت ليهو الباب ضربا كف وقاليها كتى وين لحدى هسه؟

حناكييش من أبو ظبي جو السودان إجازه ساكنين في العمارات بتهم الصغيره فتحت باب الشارع لقت أولاد الغفير الجمبهم بيلعبوا فى التراب واحده من البنات قالت ليها تعالي ألعبي معانا ’ الحنكوشه قالت ليها لالا’ بت الغفير شالت الكوريك وضربت البت, البت جرت لي أمها ’ الأم قالت ليها سجمي مالك يا بت’ قالت ليها الشفع ديل ضربوني بي معلقهX لارج. .

طالبات مدرسة باوارث الثانوية فى بورتسودان طلعوا مظاهرةالبوليس اعتقل مجموعة منهم وركبم الكومر .أدروب لقى الكومر واقف مليان بنات قرر ينضم للمجموعة المعتقلة بأى طريقة , وبدا يهتف : "عاش الحزب الشيوعى السودانى .. عاش نضال الطبقة العاملة" الأمباشى مشلخ شايقى , واقف جنب الكومر , عاين لأدروب وقاليهو :

يا زول أمشى من هنا .. والله إن بقيت لينين .. ما بتركب.

الساعة تسعة مساءً مواعيد حظر التجوّل. الساعة تسعة جات وأدروب لسه ما وصل بيتو. لقى ليه شجره كبيره اتوكل على الله ورقد تحتا. نص الليل جات مجموعة من بوليس السواري ولقوا أدروب نايم’ وقعوا فيه رفس ولكّيز ونهّير. صحا من النوم مخلوع. قال ليهم: في شنو يا جماعة؟ قالوا ليه قوم من هنا إنت ما عارف إنه في حظر تجول؟. أدروب قال ليهم: هسّأ الـ بيتجوّل فينا منو؟
واحد مسطول قالو ليهو مراسل الجزيرة مات فى العراق قال ليهم هو المرقو من مدني شنو؟
. شايقيه فتحت جواز زوجها لقت المهنه رجل أعمال, مسحت أعمال و كتبت رجل عوضيه.

غراب مسطول قاعد فوق شجرة بياكل في قطعة جبنة, الثعلب وقف تحت وقال ليهو غني لينا ياغراب’ الغراب طلع الجبنة وختاها جنبو وقال للثعلب انت قايلني غراب سنه رابعة إبتدائي العوير الزمان داك يا وهم .
فلاتى مسطول بيضرب في ملوحه كاربه، كل ما ياكل لقمة يلحس أصابعه ويقول : هلو لكن أفن.
مساطيل سااااااااااااااي, واحد شايقى أدوهو بيتين فى الجنة .. أجر واحد وباع التانى ومشى سكن مع عزابه فى النار ...

محشش مشى المستشفى الدكتورقال ليه لازم تعمل أشعه : دخل المحشش المصعد وشاف المرايات قال ده محل الأشعه و قلع ملابسه’ وقف المصعد وانفتح الباب الممرضه شافته وصرخت: قال ليها أوعى تقولى لى سرطان .

مسطوووووووووووووووووووووووووووووووول شاف واحد فوق عينه شامه..... قال ليه : عليك الله دي عين ولا غين !!!